तीन पराणी


एक गों का तीन पराणी, घन्ना, मंगतु, मोलु, 
ऊँची धार मां बैठी बोल्दा, कब होलु मुंड निखोलु. 
घन्ना भै फर रोग लागिगी, पैन् लग्युं छ दारू, 
समझावा त बोल्दु छ, कन्नु मुर्दा मरी तुमारू. 
जनम बीती छ निर्पट लाटू, फुंड धोल्युं स्यु मोलु, 
उल्टा कम करिक बोल्दु, कब होलु मुंड निखोलु. 
मंगत्या बन्युं छ मंगतु गौं माँ, या छ वैकी लाचारी, 
अलगस का बस ह्वैक होईं छ, दुनिया वैकी न्यारी. 
जब जब कठा होंदा छन, गौं का यी तीन पराणी, 
छुयों माँ सी बिल्मै जांदा, ब्वई रन्दी, तौंकी भट्यानी. 
तोउ भी सैडा गौं का लोग बोंना छन, यी छन हमारा लाल, 
ऊंसी त यी भला ही छन, जौन छोडियाली गढ़वाल. 

टिप्पणियाँ

एक टिप्पणी भेजें

इस ब्लॉग से लोकप्रिय पोस्ट

हे मेरी आंख्यूं का रतन बाला स्ये जादी, बाला स्ये जादी

हे मेरी आंख्यूं का रतन बाला स्ये जादी , बाला स्ये जादी बाला स्ये जादी , बाला स्ये जादी मेरी औंखुड़ी पौन्खुड़ी छैइ तू , मेरी स्याणी छै गाणी मेरी स्याणी छै गाणी मेरी जिकुड़ी उकुड़ी ह्वेल्यु रे , स्येजा बोल्यु माणी स्येजा बोल्यु माणी ना हो जिधेरू ना हो बाबू जन ,  बाला स्ये जादी दूध भाती द्योलु त्वे तैन , बाला स्ये जादी तेरी घुण्द्क्यैली हतु कि मुट्ठ्युं मा मेरा सुखी दिन बुज्याँन मेरा सुखी दिन बुज्याँन तेरी टुरपुरी तों बाली आंख्युं मा , मेरा सुपिन्या लुक्याँन मेरा सुपिन्या लुक्याँन मेरी आस सांस त्वेमा ही छन , बाला स्ये जादी हे मेरी आंख्यूं का रतन , बाला स्ये जादी हे पापी निंद्रा तू कख स्येयीं रैगे आज स्येयीं रैगे आज मेरी भांडी कुण्डी सुचणी रैगेनी , घर बणों काम काज घर बणों काम काज कब तै छंटयोंलू क्या कन क्या बन , बाला स्ये जादी दूध भाती द्योलु त्वे तैन , बाला स्ये जादी घत सारी सारी कि पाणी लै गेनी पंदेरों बटी पंदेनी पंदेरों बटी पंदेनी बणु पैटी गेनी मेरी धौड़या दगड्या लाखङ्वैनी घसैनि लाखङ्वैनी घसैनि क्या करूं क्या नि करूं जतन , बाला स्ये जादी हे मेरी आंख्...
और पढ़ें

लायुं छो भाग छांटी की देयुं छो वेकु अन्जोल्युन न

चित्र
लायुं छो भाग छांटी की देयुं छो वेकु अन्जोल्युन न  सलाह बिरानी सगोर अप्डू नि खे जानी क्या कन तब  लायुं छो भाग छांटी की देयुं छो वेकु अन्जोल्युन न  मनु ओना न सेत्या गोर पलया कुकुर घूराना छीन  की जोंका बाना बिसरू हेन्स्नु वुई अपडा रुवाना छीन  नि साब अप्डू अफ़ी जब कुई नि के जानी क्या कन तब लायुं छो भाग छांटी की देयुं छो वेकु अन्जोल्युन न सलाह बिरानी सगोर अप्डू नि खे जानी क्या कन तब जू लीगी पेंछ्युं ह्युन्दी घाम रूडी आई लोटाणु की चोरी चेन ज्वानिम जेन बुढ़ेंनदा राई सौं खानु नि साब अप्डू अफ़ी जब कुई नि के जानी क्या कन तब लायुं छो भाग छांटी की देयुं छो वेकु अन्जोल्युन न वू जे फीर भी वू बेरियुं की जू पीठी माँ घो लगे गेनी राया राजी वो दगडया भी जू मोल्या घो दुखे गेनी नि साब अप्डू अफ़ी जब कुई नि के जानी क्या कन तब लायुं छो भाग छांटी की देयुं छो वेकु अन्जोल्युन न सलाह बिरानी सगोर अप्डू नि खे जानी क्या कन तब
और पढ़ें

जय बद्री केदारनाथ गंगोत्री जय जय जमुनोत्री जय जय

चित्र
जय बद्री केदारनाथ गंगोत्री जय जय जमुनोत्री जय जय जय बद्री केदारनाथ गंगोत्री जय जय जमुनोत्री जय जय हे बाबा केदार तेरो जन उचो स्थानं, हो तने उचो राखी यह देसा कु मान जुग्ग जुग्ग बातिन या दुनिया रे बाबा तयार दर्शाणु कु आणि च दुःख विपदा ते माँ छोड़ी की सुख उखरी ली जानी च हे बाबा , सुख उखरी ली जानी च हे संभु जो जश दे भगवान् अखंड तेरी ज्योत जनि बद्री विशाला ताने राखी अखंड यह मुल्क यह हिमाला हरिजनु को भेद भू न ठाकुर बाह्मण जात पात आस औलाद और देस का खातिर हिता भाई बहनों साथ साथ हे नारैन , सभी तेरी चा संतान सभी तेरी छान संतान जय बद्री केदारनाथ गंगोत्री जय जय जमुनोत्री जय जय
और पढ़ें