हे मेरी आंख्यूं का रतन बाला स्ये जादी, बाला स्ये जादी

हे मेरी आंख्यूं का रतन बाला स्ये जादी, बाला स्ये जादी
बाला स्ये जादी, बाला स्ये जादी

मेरी औंखुड़ी पौन्खुड़ी छैइ तू, मेरी स्याणी छै गाणी
मेरी स्याणी छै गाणी
मेरी जिकुड़ी उकुड़ी ह्वेल्यु रे, स्येजा बोल्यु माणी
स्येजा बोल्यु माणी
ना हो जिधेरू ना हो बाबू जन,  बाला स्ये जादी
दूध भाती द्योलु त्वे तैन, बाला स्ये जादी

तेरी घुण्द्क्यैली हतु कि मुट्ठ्युं मा मेरा सुखी दिन बुज्याँन
मेरा सुखी दिन बुज्याँन
तेरी टुरपुरी तों बाली आंख्युं मा, मेरा सुपिन्या लुक्याँन
मेरा सुपिन्या लुक्याँन
मेरी आस सांस त्वेमा ही छन, बाला स्ये जादी
हे मेरी आंख्यूं का रतन, बाला स्ये जादी

हे पापी निंद्रा तू कख स्येयीं रैगे आज
स्येयीं रैगे आज
मेरी भांडी कुण्डी सुचणी रैगेनी, घर बणों काम काज
घर बणों काम काज
कब तै छंटयोंलू क्या कन क्या बन, बाला स्ये जादी
दूध भाती द्योलु त्वे तैन, बाला स्ये जादी

घत सारी सारी कि पाणी लै गेनी पंदेरों बटी पंदेनी
पंदेरों बटी पंदेनी
बणु पैटी गेनी मेरी धौड़या दगड्या लाखङ्वैनी घसैनि

लाखङ्वैनी घसैनि
क्या करूं क्या नि करूं जतन, बाला स्ये जादी
हे मेरी आंख्यूं का रतन, बाला स्ये जादी

घर बौड़ु नि व्हायु जू गै छौ झूरै कि मेरी जिकुड़ी
झूरै कि मेरी जिकुड़ी
बिसरी जांदू वीं खैरी बिपदा, हेरी कि तेरी मुखड़ी
हेरी कि तेरी मुखड़ी
सम्लौ ना वो बत वो दिन, बाला स्ये जादी
दूध भाती द्योलु त्वे तैन बाला स्ये जादी
बाला स्ये जादी, बाला स्ये जादी, बाला स्ये जादी, बाला स्ये जादी